المساعد الشخصي الرقمي

مشاهدة النسخة كاملة : التعامل مع الطبقات ( الليرات ) في الفوتوشوب



ابو الطيب
15 Apr 2009, 01:11 PM
من افضل الميزات في الفوتوشوب انه يخلينا نتعامل مع الصور والعمل كطبقات
وش اقصد بالطبقات او الشفافيات ؟؟
تخيلي معي ان عندك ورق شفاف مثل المستعمل في البروجيكتورات وحدة فوق وحدة ....وكل وحدة منهم حاطه فيها جزء من صورة وفي اماكن مختلفة ...وش يصير اذا ناظرتيها من فوق !! بتلاحظين انه بيتكون لك منظر عشان كل مكان فاضي بيشيف الصورة اللي تحته ....كذا بالضبط يصير في الفوتوشوب ...
http://www.ta4a.com/vb/imgcache/38815.imgcache.jpg


وش اقدر استفيد من الموضوع ذا ؟
1- اقدر اغير في ترتيب الشفافيات ذي ...وبكذا ممكن اغير المنظر اللي ينتج بالكامل
2- ممكن اللون جزء معين في احد الشفافيات بدون ما اخرب على الباقيات
3- ممكن اغير في الخلفية مثل ما احب بدون ما اخسر شي من المنظر اللي سويته
4- الفوتوشوب يقدر يتحكم بخصائص للشفافيات بحيث اني ممكن اخلي الصورة اللي حاطتها في الشفافية الاولى تشف الي تحتها مباشرة بدرجة معينة ..او اخليها تندمج مع المنظر اللي تحتها او اخليها بشكل بارز او امور كثيرة باوريكم اياها ان شاء الله بعد كم شئ جاية
5- لها فوائد كثيرة غير كذا تكتشفونها بعد شوي اذا عرفتولها زين ...فما ابي اكثر عليكم

هالحين اذا انتي فاتحه الفوتوشوب ..ناظري يمين بتلقين تقريبا 4 نوافذ صغيرة
كل وحدة منهم لها 2 او 3 قوائم عنواين رئيسية ...دوري معي على وحدة مكتوب عليها layers (( اذا ما لقيتيها ,,,سوي معي اللي بيجي ...في القائمة الاساسية الموجودة فوق اضغطي على window بعدها بتطلع لك قائمة منسدلة ...من ظمنها layers اضغطي عليها ..وبيصير جنبها علامة صح ...وبكذا بتظهر لك [[

هالحين نرجع لموضوعنا ...النافذة الصغيرة ذي تلاحظين ان فيها 3 عناوين رئيسية
Layers و channels و paths
باشرح هالحين layers :
http://www.ta4a.com/vb/imgcache/38816.imgcache.jpg

باعرفك على الاشياء الاساسية الموجودة بهالصفحة ...اولا القائمة ذي تطلق عليها
The Layers palette عشان اذا قرأتيها في اي موقع او كتاب يشرح فوتوشوب ما تقولين يونا ما علمتني وش تطلع ذي !! طيب
نرجع للصورة ...باشرح الامور المشار لها بالاسهم
1- زر مثلث صغير ...هذا يوديك للمنيو الخاص بالقسم اللي انا فيه ...يعني انا هالحين على
The Layers palette يعني يوديني للمنيو الخاصة فيه
2- هذا الشفافية نفسها او layer
3- هذي عبارة عن صورة مصغرة لشفافية مثل الايقونة المصغرة لها ...تساعدك اذا بغيتي توصلين لشفافية معينة بسرعة ...وممكن تتحكمين بحجمها (بعدين اوريك كيف؟)
4- حرف f صغير ...هذا يرمز لـ effect وتعني تأثر... فاذا لقيتي جنب اي شفافية حرف f هذا يعني ان الشفافية تحت تأثير معين ...
5- هذي الخانة تظهر لك اذا ضغطتي على حرف f في الشفافية المؤثرة عشان يوضح لك التأثير هو وشو بالضبط ...فمثلا عندك بالصورة مكتوب outer glow يعني الشفافية تحت تأثير اضاءة خارجية ..وهكذا ... واذا كنتي مأثرة بأكثر من تأثير على شفافسة واحدة ...كلها تطلع لك بالطريقة نفسها وتحت بعض

هالحين نجي لأنواع الشفافيات layer types
لشفافيات 3 انواع رئيسية ....كلها موضحة بالصورة
http://www.ta4a.com/vb/imgcache/38817.imgcache.jpg


شفافية الكتابة text layer : عادة يكون رمزها T في الصورة المصغرة للشفافية واسمها ما ياخذ رقم ..ياخذ نفس العبارة المكتوبة
2- الشفافية العادية normal layer : هذي تكون بالعادة اي شفافية فاضية او فيها صورة ..واسمها ياخذ رقم ابتداأ من 1 ثم 2 ثم 3 ....الخ وتنرص فوق بعضعا بحيث ان الجديدة تجي فوق دايم فالعادة تكون 1 تحت بعدين فوقها 2 وفوقها 3 وهكذا ...
3- الخلفية back ground : عادة الخلفية تكون اخر وحدة وموجدة بالاسفل وغالبا ما تكون من نوع صورة يعني عادية ..وتكون مقفلة ((ملاحظة القفل الصغير الموجود)) حتى يمنع اي تغير عليها ...واذا حبيتي تأثرين عليها او تغيرين فيها لازم تحولينها لشفافية عادية بعدين ترجعينها كخلفية ثاني ...ولا يمكن يصير لك اكثر من خلفية للتصميم الواحد
وشلون احول الشفافية لخلفية والعكس ؟؟
لتحويل الشفافية لخلفية :
اضغطي على الشفافية اللي تبينها تصير خلفية ....صارت مظللة هالحين روحي لقائمة layer في الاعلى (من القائمة الاساسية )
تظهر لك قائمة منسدلة ...اختاري new
بعدين في التكملة على اليمين اختاري back ground from layer
بتلاحظين ان الشفافية تحولت لخلفية وصارت مقفلة

لتحويل الخلفية الى شفافية :
اضغطي على الشفافية اللي تبينها تصير خلفية ....صارت مظللة هالحين روحي لقائمة layer في الاعلى (من القائمة الاساسية )
تظهر لك قائمة منسدلة ...اختاري new
بعدين في التكملة على اليمين اختاري layer from back ground بعدين اختاري ok
وبتلاحظين ان الخلفية صار اسمها layer0 وراح القفل وتقدرين تتعاملين معها كشفافية عادية

كل ما تفتحين صورة عندك بتلاحظين انها مقفلة ومحفوظة كخلفية ...فلازم تفكينها دايم وتحولينها لشفافية عادية عشان تتعاملين معها وتوين اللي تبينه فيها

وشلون افتح صورة على صورة ...او احط صورة فوق الثانية في تصميم واحد؟؟
في العادة الشخص يعتمد على اكثر من صورة في التصميم الواحد ..فعشان تحطين وحدة فوق الثانية ..اتبعي التالي:
افتحي الصورتين اللي تبينهم ..بتلاحظين ان كل وحدة عبارة عن خلفية مستقلة عن الثانية
هالحين حولي كل وحدة منهم لشفافية عادية ..مثل ما شرحت قبل
بعدين روحي للصورة اللي تبينها تكون في الاعلى ...صرت فاتحة عليها هالحين ..من القائمة الاساسية في الاعلى روحي لـ select ومن القائمة المنسدلة نختار All بتلاحظين ان الصورة كلها صارت محددة
هالحين روحي لـ Edit من القائمة الاساسية ...واختاري من القائمة المنسدلة copy
او بدل منها قومي باختصار هذه الخطوة وذلك بالضغط على ctrl وخليكي ضاغطه عليه واضغطي معه c ....((ترى الاختصارات حلوة ومع الوقت تتعودين عليها وتشوفينها اسهل واسرع في الاستعمال ))
هالحين نسختي الصورة بقى انك تلصقينها فوق الصورة الثانية ...روحي للصورة الثانية ..روحي للقائمة الاساسية Edit ومنها اختاري paste وتشوفينها ظهرت وعلى شفافية منفصلة ... او قومي بالاختصار عن طريك الضغط على ctrl ومعه v

نكمل باقي الامور الموجودة في The Layers palette

http://www.ta4a.com/vb/imgcache/38818.imgcache.jpg


1- هذي عبارة عن blending mode ..ما ادري وش يقال لها بالعربي ...بس عموما هي تأثر في خصائص الشفافية من ناحية الالوان والشفافية وامور كثير ...واذا انتي تبين تحبين الفوتوشوب وتتعلمين عليه زين ...لازم تفهمين الخصائص ذي وتحبينها ....وهذي الخصائص تقريبا نفسها تكرر للفرشة باختلاف شئ واحد ...اني يوم احطها على شفافية فانا اثر على شفافية باكملها بس يوم احطها لفرشة تاثر على ضربة الفرشة بس بدون ما تاثر على الشفافية ...(يمكن احد الاخوات اللي بتشرح الفرشة تتطرق لها )
2- opacity او الشفافية : هنا اقدر اتحكم بدرجة شفافية كل طبقة لحال فاخليها تشف مرة اللي تحتها او تشف جزئ ...فكلما زادت القيمة زاد اللون وقلت الشفافية وكلما قلت القيمة زادت الشفافية ..وهذا الامر ممكن يأثر على نتيجة الـ blending mode
3- Fill التعبئة : هنا اتحكم بمدى تعبئة الشفافية باللون او الصورة وتشبعها فيه ..فكلما زادت القيمة زاد مقدار التشبع وكلما قلت القيمة قل مقدار التشبع
هالحين نبدأ بامور الاقفال :
4- اذا ضغطت عليه معناه اني باقفل الاماكن الشفافة من الطبقة وما اقدر اسوي فيها شئ
5- هنا اقفل استخدام الفرشة على الطبقة ذي ...فما اقدر اللونها
6- هنا ما اقدر احرك واغير مكان الصورة على الطبقة فما اقدر احركها لا يمين ولا يسار ولا فوق ولا تحت
7- هنا اقفل كل شئ ...فما اقد اسوي بالشفافية شئ ولا اقدر ااثر عليها باي تأثير

نجي لشريط الصغير الموجود باسفل هالنافذة :
http://www.ta4a.com/vb/imgcache/38819.imgcache.jpg


حرف f يعني تأثير ....هنا في الشريط هذا يودينا لقائمة التأثيرات
2- هنا نضيف قناع للشفافية ...باشرحها اكثر بعدين
3- هنا اكون مجوعة جديدة للشفافيات ...اشرحها بعدين
4- يودينا لقائمة انواع التعبئة ...سيتم شرحها من قبل احد الاخوات
5- هنا اقوم بعمل شفافية جديدة
6- سلة نحذف فيها الشفافيات الغير مراد بها والمستغنى عنها ...فنضغط على الشفافية الغير مرغوب فيها ونسحبها للسلة فتختفي الشفافية

طبعا الشرح للبنات بس هههههههههههههه للجميع طبعا بس الصيغة موجهه للبنات

منقوووووووووووووووووووول للفائدة والمصدر على الصور

اللؤلؤة
15 Apr 2009, 02:51 PM
الله يعطيك العافية
شـكــ وبارك الله فيك ـــرا لك ... لك مني أجمل تحية . :sm1:

ابو الطيب
15 Apr 2009, 06:33 PM
الله يعافيك ويبارك فيك ياللؤلؤة

شكرا على المرور والتشجيع

سر الإبداع
15 Apr 2009, 06:37 PM
درس مهم جدا وواضح وسهل الفهم

ليس بغريب عن ابو الطيب مثل هذا الإنتقاء لما هو مفيد للجميع

وجزاك الله الله كل الخير يا ابو الطيبين

قلب الأسد
15 Apr 2009, 07:27 PM
السلام عليكم ابو الطيب
اولاً

فلاتر الفوتوشوب كثيرة جداً وانت تعلم ذلك
هل تقدر تنزل فلاتر جديدة إن وجدت غير المعتادة مع الشرح

مشكور على المجهود الغير عادي

تقبل التحية

حلال المشاكل
15 Apr 2009, 09:13 PM
قلب الأسد الشرح اعلاه يتحدث عن التعامل مع الليرات ( الطبقات ) وليس الفلاتر التي تسأل عنها

وابشرك كل صغيرة وكبيرة قادمة بإذن الله في الدورات والدروس القادمة

ولن نترك اعضاءنا الراغبين في التعلم ينقصهم شيء للإبداع والإرتقاء بأنفسهم

عربي وافتخر
15 Apr 2009, 10:00 PM
يا سلام يا ابو الطيب

شيء حلو ومحتاجينه فعلا للتفنن في الفوتوشوب

سلمت يداك الغالية على قلوبنا

الحجازي
16 Apr 2009, 01:02 AM
مرحبنبك يا ابو الطيب الموضوع هذا مكرر هنا وفي قسم الفوتوشوب وانا رديت هناك وهنا

ليه التكرار يا راجل يا طيب ؟؟؟؟؟؟؟؟؟؟؟؟؟؟؟؟؟

ابو الطيب
16 Apr 2009, 01:09 AM
حيا الله الجميع وشاكر مروركم وتشجيعكم

الحجازي يخرب بيت عقل ابليسك

الموضوع يخص قسم الفوتوشوب واخذنا منه نسخة نحتاجه هنا في تصميم الاستايلات وحرام نحرم رواد قسم الفوتوشوب منه

سمارا
16 Apr 2009, 06:15 AM
http://moonface98.jeeran.com/مشاركة%20مميزة%20copy.jpg

لو اني يا أبو الطيب ما لي في الفوتو شوب :sm139:
( اميل اكثر للموفي ميكر ...:sm258:

لكن استفدت من هيك موضوع

http://www.ta4a.com/vb/imgcache/38977.imgcache.gif

تحياااااااااتي يا الغالي

سمارا:sm212:

Beginky
16 Apr 2009, 07:05 AM
مجهود رائع ابو الطيب
والشرح اعتقد وااافي وكافي

كل الشكر لجهودك الرائعه:sm1:

فهلوي
16 Apr 2009, 01:08 PM
الله يجزاك اللخير

LoDCooL
16 Apr 2009, 07:39 PM
شرح حلووو*

يطيك العافيه ابو الطيب

بانتظار الجديد

ابو الطيب
27 Apr 2009, 11:49 AM
الله يعافيكم جميعا على المرور والتشجيع

وأسأل الله الفائدة للجميع

عادل
07 Jun 2009, 09:50 AM
شكرآ أخي ابو الطيب

على الطرح الرائع

جديدك يسرني

تحياتي

Ʈh̅Ė ƙi̅Ǹg̅
29 Sep 2010, 10:44 PM
http://www.ta4a.com/../mwaextraedit5/extra/02.gif
http://www.ta4a.com/../mwaextraedit5/extra/54.gif
http://www.ta4a.com/../mwaextraedit5/extra/104.gif

زهرة الليل الهادئ
17 Nov 2010, 02:37 AM
ثــ'ـأإأإأإأإأنكيو آبـو الطيب على ـآ الطرح
+
ثــ'ـأإأإأإأإأنكيو حلـآل المشـآكل على ـآ المسـآعدة
لـآعدمنـآ جـديدكم الرـآئع يـآربـ ~..

نبض القلم
17 Nov 2010, 02:38 PM
http://www.ta4a.com/mwaextraedit5/extra/02.gif


http://www.ta4a.com/mwaextraedit5/extra/17.gif

بنوتة اخر روقان
30 Oct 2012, 01:44 PM
سلمت اناملك
على الموضوع المتألق
يعطيك الف عافيه وبارك الله فيك

هتون الشرق
30 Oct 2012, 03:33 PM
لا عدمناا الجديد والتميز روعه تسلم يديك
لاننحرم منك ولامن جديدك
ودي قبل ردي