ناديت لك ياما .. ولا لبِّيت لي ,,, وضاع النداء !

من أروع ما سعمت صراحة في هذه الأيام
أنثره بين أيديكم .. وبعد فترة سأطرح بقلمي

قبل أبتدي عندي طلب ركِّز طلب ماهو " رجــــاء "
ما أبي تجاوبني .. ولا تستغرب إني أســـــألك


لا تنصدم من عزلتي , حالي مثل : أبو العلاء
... عندي سبب : ما تستحق إنِّي أجيك و أوصلك


لا تعتبر جمر الحكي من شاعرك يعني " هجاء "
لو كنت بهجي حضرتك ما خفت منِّك .. قلت لك !


هذي القصيده مصنِّفه في دفتري قصة " رثاء "
حبٍ يموت وتنولد .. وحبٍ يعيش ويقتلك !


ناديت لك ياما .. ولا لبِّيت لي , وضاع النداء !
مبحوح صوتي والصدى من كثر ما ناديت لك !



أقرب من ثيابي علي وأبعد من نجوم السماء
ورغم إبتعادك والتعب ..أرسم طموح وأمهلك ..


ما كنت لي الداء وأنا ما كنت لـ جروحك " دواء " ..
ما عشت في دنياي لي !!عايش ولكن عشت " لك " !


علمتك القلب الوفي .., ما يخذلك فيه " إنتماء " !
وعلمتني كيف العشم في من تحبه .. يخذلك !!


علمتك إن أصل الهوى يرجع لـ كلمة " إحتواء " !
و علمتني إن الهوى , ما عاش يوم بـ داخلك !


علمتك إنِّي لك بحر [ مدَّه وجزره ] لك وفاء !
وعلمتني كيف أنصدم وأغرق أنا في ..ساحلك !


ما تستحي ,, ودامك كذا ؟ - إفعل حبيبي ما تشاء !
توِّي عرفت إنِّي كثر ما أعْرِفِك .. كنت أجهلك !


ما كان قلبي بس لك وقلبك لعب دور الدهاء !
وما كنت لك أقرب من أنفاسك وأقرب من هلك ؟!


ما عاد تفرق غيبتك أو رجعتك .. عندي سواء !
كنت إهتمامي ورغبتي .., والحين دوري أهملك !


لا صار قلبي لك وطن .. أبسألك وين الولاء ..؟
وشلون حال المملكه ؟ - دام الخيانه من ( ملك ) !


إن كنت جاهل ..! " لعبتك قلبي " وما فيها ذكاء
حتى الطفل إن جبت له [ لعبه ].. - ولاءه صار لك !


قبل أنتهي عندي - أمر ما هو طلب وإلا - رجاء ..
لا يشغلك ماضي إنتهى .. ركِّز علـى " مستقبلك

منقول لعيون الغوالي

شكرآ أخي القائد المهاجر

على الموضوع الرائع

في أنتظار جديدك

تحياتي
هاوي جنان

تسلملي والله

مرورك يشرفني ويسعدني ي غالي

لا حرمنا أبد

ودمت بود

أخوك

القائد المهآجر

إن كنت جاهل ..! " لعبتك قلبي " وما فيها ذكاء
حتى الطفل إن جبت له [ لعبه ].. - ولاءه صار لك !


قبل أنتهي عندي - أمر ما هو طلب وإلا - رجاء ..
لا يشغلك ماضي إنتهى .. ركِّز علـى " مستقبلك


الله الله ع روعة وجمال الاختياااااااار
ابيات قوية المعنى سلمت يمناك
احترااااااااااااامي