ابو جومندا وحافز

هذه قصده منقوله بس حسيت انها مناسبه في ابو جومندا وام جومندا هههههههه
مافينا زعل
تكفين ي بنت الاجاويد تكفين
نبي سلف والا نبيها معونه
اما عطينا الألف ولا اللألفين
مادام حافز اليوم يوزعونه
وانا ترى استاهل ولاني معك شين
ومعروفي الاول ترى تذكرونه
اما شرينا به شياه وبعارين
والا به المديون خلص ديونه
ردي علي بالخبر وش تقولين
عسى ابو عيالك ماتخيب ظنونه ..

هههههههههههههههههههههههههههههه
يالله عليك ياابو جومندا اصبر خلها تتهنئ فيه شويه

ياسااااااااااااااااااتر من ابو جومندا
اشوفه مسنتر بالموضوع

أشكرك أختي الفاضلة بنت الجنوب على إهدائك هذه القصيدة لي ولام محمد بمناسبة برنامج حافز ، وما عليك أختي الكريمة فالزعل مرفوع فيما بيننا خذي راحتك فالقلب وسيع وأبيض مثل البفت ، أختي الكريمة شهادتي في أم محمد مجروحة وهي من النوادر في النساء في الدين والأخلاق وحب الناس وفعل الخير وفي كل شئ ، ولم تقصر معي في يوم من الأيام من يوم زواجنا حتى تاريخه ورايتها بيضاء معي والله لا يفرقنا عن بعض ويطيل في أعمارنا على طاعته ، بالنسبة لحافز والله يا خوك ما أستفادت أم محمد منه ولا ريال واحد لأن الشروط ما تنطبق عليها وخصوصاً من ناحية العمر ، وبعدين أختي الفاضلة وش تسوي 2000 ريال ( وش الديك وش مرقته ) في هالزمان مع إرتفاع الأسعار الفاحش وتعقيد ظروف الحياة ، ولله الحمد أحوالنا طيبة ومستورة وأنا متبع المثل اللي يقول ( مد رجلك على قد لحافك ) و ( من راقب الناس مات هماً ) أهم شي وأنا خوك الصحة في الأبدان والأمن في الأوطان والسعادة الزوجية وطيب العشرة فيما بين الزوجين وغيرها ما ندوّر عليه .
أشكرك مرة أخرى على هالقصيدة الرائعة كروعة أخلاقك وحسن ذاتك وقد وضعتها في المفضلة لعل وعسى تتغير شروط حافز وخصوصاً في مجال العمر وتحصل أم محمد على حافز فيما بعد ثم أترجل أمامها وألقيها عليها لعل وعسى قلبها يحن عليّه كعوائدها وتعطينيها ، وبصريح العبارة أنتم يا الحريم طيبات وحنونات كلمة توديكم وكلمة تجيبكم ، والله يعطيكم على قدر نياتكم .

الله يسعدكم اخوي ويمتعكم بالصحه والعافيه والله يغنيكم عن حافز وغيره
وترا اغلب حريم الجماعه جاهم حافز روح بس صغر عمرها وربنا كريم هههههه
بصريح العبارة أنتم يا الحريم طيبات وحنونات كلمة توديكم وكلمة تجيبكم .
ليس الكل انتبه بس هههههه

أشكرك أختي الفاضلة بنت الجنوب على الدعوة الطيبة ولكم مثلها وزيادة ، وكما قلتي الله يغنينا عن حافز وغيره وبالنسبة لتصغير العمر فالعملية ما تستاهل وأنا خوك كل هذا التعب والشقى وشهود وعمدة وكما قلت سابقاً ( وش الديك وش مرقته ) وكلامك صحيح فليس كل النساء طيبات وحنونات وكلمة توديهم وكلمة تجيبهم ، وأنا حكمت على ذلك بناءً على ما أشوفه وأجده من أم محمد من طيبة وحنان وتصدق كل شئ وعلى نياتها وبعذرها فهي من الرعيل الأول قلوبهم نظيفة وصافية وخالية من الغل والحسد ، أحسبها كذلك ولا أزكي على الله أحد .

خخخخخخخخخخخخخخخخخخخخخخخخخ
حلوة مامو بنت الجنوب

نفسي اعرف منهي ام محمد علشان احرضها عليك ههههه

المهاجر عجبتك عقبالك هههههه