الله أكبر عليكن يالحريم ماهذا الحقد على الزوج وعلى الزوجة الثانية .

سؤال للنساء جوابه صاعقة على الرجال .

لو خيروك إما يموت زوجك أو يتزوج عليك فماذا تختارين ؟

هذا السؤال طرح في منتدى نسائي ، وقد صعقت من إجابات الحريم عليه فكلهن أجمعن على جواب واحد وأمنية واحدة ، فعلاً نذااااالة .

المشاركة الأولى : يموت وأدعي له ولا يتزوّج عليّ وأدعي عليه .

المشاركة الثانية : خله يموت لأن الموت حق بس إنه يتزوّج عليّ لالالالالالالالا فأنا بصراحة أخاف يتزوّج ويدلّع زوجته الجديدة وبصراحة دائماً أقول أكون أرملة ولا أكون مطلقة .

المشاركة الثالثة : والله كل الإثنين صعبات بس الموت له أسهل عندي والله !! فحنا يا الحريم بالنقطة هذي تصير عقولنا صغيرة وماصلين ( هذه الكلمة ما عرفتها ) بس غصب غصب عنا .

المشاركة الرابعة : يموت وأنا أموت وإن شاء الله ربي يرزقنا الجنة ويكون زوجي فيها وأكون زوجته فيها !! أما لو تزوّج عليّ فراح اتطلق وخلاص بتنتهي علاقتي فيه وقلبي بينحرق وبأموت من الحزن والهم .

المشاركة الخامسة : للأسف عشاني أحبه أبختار له الموت بعيد الشر عنه !!

المشاركة السادسة : يموت وأبكي من حزن فرقاه ولا يتزوّج وأبكي قهر منه !!

المشاركة السابعة : الموت حق وكلنا بنموت .. بعدين الدنيا كلها فتن وش يبي بها !!

المشاركة الثامنة : والله يقولون أرملة ولا يقولون أعرس زوجها عليها !! ويموت وأنا أحبه وهو يحبني ولا يعرس عليّ وينساني ، ويا جعله يعاف الحريم كلهم إلا أنا !!

المشاركة التاسعة : لا يموت هو أحسن ولا أموت أنا من الحرّة !!

المشاركة العاشرة : الله يغفر له ويرحمه .. المقبرة قريبة !!

المشاركة الحادية عشر : طبعاً أتمنى له الموت على الأقل بأحط رأسي على المخدة وأنام عارفة أنه في حضن القبر ما هو في حضن حرمة ثانية !!

المشاركة الثانية عشر : أنا أقول يتزوّج بشرط .. يعني يحط لي فيلا دورين وأفرشها من جديد وسواق وشغالتين ومصروف شهري ورضاوة طقم ذهب أبو 50 ألف تروني مررررة قنوعة وأدرّس عيالي بمدارس أنترناشيونال وما أبغى أشوف رقعة وجهه أبد يجي لعياله بس وبعد ما يحقق لي طلباتي أدعي عليه بالموت !!!

المشاركة الثالثة عشر : يموت أرحم من إني أشوفه مع غيري !!

المشاركة الرابعة عشر : إلا الله يستر عليه يتوكل على الله ويمووووت ولا يموّتني وأنا حيّة !!

المشاركة الخامسة عشر : يموت أريح .. أصلاً وجوده مثل عدمه !!

المشاركة السادسة عشر : لا بالله يموت أحسن ولو ما مات أحرقه هو وزوجته بسيارته ببنزين أو أسيد وعساه يبرد قلبي !!

المشاركة السابعة عشر : يموت ولا يتزوّج عليّ .

المشاركة الثامنة عشر : لا طبعاً أرملة ولا مطلقة لأنه لو تزوّج عليّ ماني جالسة معه هو ووجهه !!

المشاركة التاسعة عشر : جنااااااازة ولا جواااااازة ، أما يتزوّج عليّ لا والله ما أقبلها .. وبعدين هو في كل الحالتين بيصير في نظري ميت ، على الأقل إذا ربي أخذ عمره بأدعي له وأتصدق عن روحه إن شاء الله .. يعني بيفارقني وأنا أحبه ، أما إذا تزوّج عليّ فهو بيموت من قلبي وعقلي وبأدعي عليه طول عمري حتى لو دعوتي مو مستجابة يعني بيفارقني وأنا أكرهه !!!

طبعاً نقلتها لكم دون تعديل أو تحريف لا إملائياً ولا لغوياً وفيه كلمة ما عرفتها وهي بالخط الأحمر .

الله أكبر عليكم يا الحريم إلى هذه الدرجة الحقد الدفين على الزوجة الثانية وعلى الزوج ما تبغى الواحدة يتزوّج عليها زوجها .

فكري أختي الكريمة لو كنتي أنتي الزوجة الثانية كيف سيكون شعورك ؟؟!!

ههههههههههههههههههههههههههه
اعتقد الموضوع مكرر
بعدين يااخي من شده حب الزوجه لزوجها ماتبغى تكرهه علشان كذا يموت وهي راضيه عليه وتحبه
باالله عمرك شفت وفاء مثل كذا

قبل لا أرد عليك إثبـتـي لي أولاً أن الموضوع مكرر .

فاضيه انا اجلس ابحث في المواضيع
بس ترا مكانه قسم التسليه ههههه

ابغاك تحط نفسك مكان زوجتك لو العكس هل بتحس بنفس احساس زوجتك
بمعنى لو الزوجه هي الي تتزوج على زوجها ايش احساسكم يالرجال

أنا مُصِـر على قولي لن أرد عليك حتى تـثـبـتي لي وللجميع أن الموضوع مكرر ، أو تعتذري وتقولي أنا آسفة كنت أعتقد أنه مكرر ولكن أتضح لي أنه ليس مكرر ، فالإعتراف بالحق فضيلة ، والإعتذار من شيم وكرم وأخلاق الناس الطيبين ولا ينقص من قدرهم شئ وليس بعيب في حقهم .

اقول اذا راسك يابس راسي ايبس منه خاصه لو متأكده من الشيء شي اخر مايستدعي الموضوع اني اعتذر واقول انا اسفه خير ان شاء الله الظاهر انك نسيت منهي بنت الجنوب ... اعتذر لو غلطت على احد بقصد او بدون قصد غير كذا روح اشرب من البحر هههههه

البحث عن المكرر هذه شغلة المراقبين والمشرفين خلهم يشتغلوا هههههه

لفت إنتباه لــ بنت الجنوب

أتمنى عدم التدخل في عمل المرآقبين على القسم منعاً للإحرآج كما أرى
وإذا أردتي الإشرآف ممكن تطلبينه من الجوكر
شآكره تعآونك

المرآقبه العآمة : خفايا الشوق